Tenzas, xestión forestal Enxeñaría do medio natural e asesoramento legal

Proxectos

O que facemos no monte, non só no despacho

Tenzas redacta, cartografía e dirixe proxectos de xestión forestal en Galicia: silvopastoreo para previr incendios, innovación con intelixencia artificial e certificación FSC® e PEFC en grupo. Aquí están os que poden verse sobre o terreo.

Panorámica do monte veciñal de Raño (Irixoa): pradeiras, masas de frondosas e aeroxeradores no cume
Monte veciñal en man común de Raño (Irixoa, A Coruña), 342 hectáreas certificadas FSC.

Proxectos en marcha

Silvopastoreo, innovación e certificación

Cabras controlando o rebrote de acacia no monte de Raño
Silvopastoreo · Irixoa (A Coruña) · 2026

Raño Vivo: cabalos e cabras para previr incendios en 342 hectáreas de monte veciñal

Sistema silvopastoral con cabalo de pura raza galega e cabras no monte veciñal de Raño: recuperación de pradeiras, peche antilobo, control biolóxico da acacia e colares GPS. Proxecto técnico de Tenzas para a convocatoria «Comprometidos con nuestros bosques» de Carrefour e FSC España.

Ver o proxecto
Cabalo con colar GPS de cercado virtual no monte
I+D+i · Programa NEXOS 2025

SILVO+: silvopastoreo intelixente con intelixencia artificial

Con NIGAL e ENCE, desenvolvemos modelos de pastoreo, cercado virtual e unha metodoloxía para certificar servizos ecosistémicos. Subvencionado pola Axencia Galega de Innovación e cofinanciado pola Unión Europea.

Ver o proxecto
Carballeira galaico-portuguesa no monte de Raño
Certificación · Galicia e Asturias

Grupo de certificación «Propietarios das Mariñas»

Máis de 5.200 propietarios e comunidades con xestión forestal certificada FSC® e PEFC, auditados por GFA Certification, con documentación pública á disposición das partes interesadas.

Ver a certificación

Como traballamos

Do diagnóstico ao seguimento, cun só equipo

Redacción técnica

Memoria técnica, memoria económica e plan de seguridade e saúde, co encaixe na convocatoria ou no instrumento de ordenación do monte.

Cartografía

Planos de localización e de actuacións sobre ortofoto e catastro, con coordenadas oficiais, listos para o expediente.

Dirección e seguimento

Dirección dos traballos, indicadores medibles e cadro de mando para que o financiador e a comunidade vexan o que se fixo.

Certificación

Os montes nos que traballamos están dentro do grupo FSC® e PEFC «Propietarios das Mariñas», o que permite verificar os impactos. Como funciona a certificación en grupo.

Contacto

Tes un monte con biomasa de máis e gando de menos?

Os proxectos silvopastorais son replicables noutros montes veciñais e fincas de Galicia e Asturias. Cóntanos o teu caso e dicímosche se encaixa nalgunha convocatoria aberta.

Ir ao formulario Chamar ao 982 809 154